أزيك حبيبتى
************
ببعتلك منى رساله
بطمن فيها عليكى
وأنا حالتى ف أسوء حاله
وبقول وحشانى عنيكى
والدنيا الضلمه أهى زادت
ف بعادك ف متنسيش
أنا نارى ف بعدك قادت
ولا عارف لحظه أعيش
ولا عمرى نسيت أيامك
عايش ف الماضى وحيد
ولا قادر أنسي كلامك
ولا لحظه أنا كنت سعيد
من يوم ما فارقتى وبعتى
وأنا حالى مهوش مفهوم
واهو ضيعتينى وضيعتى
وبقيت إنسان مهموم
جايز بتفكرى فيا
جايز إنك نستينى
والدنيا بتلعب بيا
من وقت أنتى ما سبتينى
بكتب وأنا عارف إنك
عُمرِك ما هتقرى كلامى
ما أنا كنت أساسا منك
دلوقتى بقيتى آلامى
كنتى الترياق للسم
دلوقتى بتنهشى لحمى
أصبحت أنا بيت للهم
من غير سقف ومش محمى
دة جوابى الأول ليكى
بعد ما فاتت أيام
وبفكر بس أنا فيكى
مش عارف حتى أنام
وقوليلى إزاى أنساكى
زى ما فعلا نستينى
أنا شايف نفسي معاكى
طب ليه إنتى فارقتينى
مش قادر لحظه أتخيل
الدنيا غير بيكى تانى
دة أنا كل الليل ما يليل
بفتكر إنك وحشانى
بكتبلك قبل ما أموت
أن أنا لسه ف أوهامى
او قبل الليل ما يفوت
عاوز أشوفك ف منامى
بكتب وبدمع عيونى
أنا نفسي أشوفك تانى
دة أنا كل حبايبي لامونى
من يوم ما بقيت وحدانى
بكتب وبكل سذاجه
إن أنا مش هبقى تمام
بكتبلك آخر حاجه
أنا آسف يلا سلام
بكتبلك تانى رساله
وانا حاسس انى بموت
وانا لسه ف اسوء حاله
مش قادر اكون مبسوط
دة جوابى التانى ليكى
بعد ما فاتت سنه
وبفكر بس أنا فيكى
وخلاص مبقتش أنا
ويا ترى أخبارك أيه
من بعد ما بعتى هوايا
او عايشه بتعملى ايه
من بعد ما كنتى معايا
والدنيا أهى لعبت بيكى
وأحبالك كانت دايبه
أنتى اللى جنيتى عليكى
ف الاخر أنتى الخايبه
قولتيلى هسيبك وأبعد
من بعدك هبقى تمام
وانا كنت مصر وبعند
من وقت ما قولتى سلام
وبقول انا بكره هخف
من حبك دة وهنساكى
والدنيا القاسيه تلف
وانا لسه روحى معاكى
مش عارف أعمل زيك
ولا قادر أنسى ماضيا
دة انا عايش لسه ف ضيك
بعد ما بهتت لياليا
يمكن دة جوابى التانى
حاسس انى كتبت كتير
وبقول أنك وحشانى
وانا لسه عليكى بغير
مش عارف يوم أتغير
ولا قادر ع النسيان
بتمنى انى ابقى صغير
أهو ارجع زى زمان
وأعيش وانا طفل بدونك
مش شاغل بالى بحد
ولا اسدد ليكى ديونك
ولا اكون انا عايش جد
ولكنى بفوق بلاقينى
متشعلق جدا فيكى
والدمع بيملى ف عينى
مش قادر اكون غير ليكى
كان نفسي أكون عصفور
واطير لبعيد وبعيد
وأبعد وأعدى السور
اهو جايز ابقى سعيد
مش عارف أعيش من غيرك
أرجعى أنا مستنيكى
متشكر كتر خيرك
على كسرة قلبى عليكى
وبقؤلك تانى سلام
علشان خلصت جوابى
بردو مبقتش تمام
مش عايش غير ف عذابى
عبد الرحمن عفيفي
شاعر وفنان
تسلم ايدك ياعبده 🌹
جميلة أوي 🌹