قصيدة عراف ( محمد حسني )

عراف 

**************

عراف بشوف الكف عراف وبضرب ودع
جالي الجدع حيران طب قولي ليه يا جدع
قال لفيت بلاد الله لجل ان يروح الوجع
دابت كفوف رجلي بس الوجع
ما اتمنع

تايه وجع… والمر شاربه من كفوفي
واللي فارقنا هي لو كانت ظروفي
عشمان يا خوفي
والعشم لو ملّ صبره
مين يسعني؟ …
بس هو حد جابره

جايز يكون قلقان من خبطي على بابه
ولا نواح قلبي من هجر احبابه
ومشيت كتير وعافرت ولحد لما حفيت
يجي ١٠٠ طريق ومشيت
ما وصلت غايتي في يوم
ولا عمري انا مليت
دبرني يا عراف وقولي ايه العمل

ولأني انا عراف… عارف دواخيله
لو أعلى ما في خيله
لم ينقسمله الهنا
مطرح ما رجله تروح
ما يلاقي غير الضنا يمشي بلاد وبلاد
ولحد يوم ومعاد
هينول ما يتمنى
لو بس يوم يصبر ولحاله يستنى

اسمع يا ولدي
اصبر كما أيوب .. فوق الهموم اجري
يأتيك فرج ربك من حيث لا تدري
لسه مجاش الأوان لجل ان في يوم ترتاح
حاول ومن تاني اسعي وسوي البدع
من امتى طلب المني..
قالوا انه يبقى طمع
والله وظلمتوا الجدع

محمد حسني