الي زهرتي
يا ضي الكون
ما بالك قلبي لو جالك
وغنالك وداب في هواك
ونور ليا حكاياتي واوقاتي
مادام في لقاك
وانا وياك…
ورغم بعادي عن قلبك
هنتلاقي… مسيرنا في يوم
ولو بينك وبيني نجوم
هموم الدنيا ما تنسيني ولو زادت عليا هموم
انا القيدوم في ترحالك
وعاشق نبض خطوايكي ولو مخطرش على بالك
ولو بعدت خطاوينا وشافت عيني مليون حد
انا رابط على قلبي وباني قصاده مليون سد
بقولك ايه… بلاها البعد
انا بقربك ولو كانت ما بينا حروب
ولو ع الحرب انا قادر ومين يهرب من المكتوب
ادك حصونك العاليه واجور على قلب حبيته
عشان قلبي يكون بيته
او استنى هجوم طيفك على مملكتي ولوحدك
كفايا تكوني قدامي… لا انا صدك ولا ردك
وهستني تجيني في يوم
واسمع صوت بيتجلجل يصحيني في عز النوم
بيان عاجل بشن هجوم
وظالم قلبي لو صدك ولو ردك يبات مظلوم
انا الجالس على عرشك
وفي قلوعي انا الجسار
ومشتاق نظره من عينك
وناظر قلبك البتار
مسالم قلبي ومسلم
ما بين قلبك وبينه عمار
في حبك غاوي يتعلم
ويستسلم… ملوش أعذار
ويفتحلك دروع حصنه
وباله في جنة مش في النار
صراع داير ومش حاير
انا راضي ب الاستعمار
متنسيش اننا واحد
مصير واحد بنفس الدار
#Mohamed_Hosny