اسكريبت (مجنونتي الجميلة/ كلكم واحد) أماني محمد

_صباح الخير يا حبيبتي

_صباح الخير

_مالك في ايه

_مافيش حاجة مالي يعني

_مالي يعني.. أه بس شكلك منمتيش يا ماما

_وايه المشكلة يعني

_في ايه يا بنتي علي الصبح .

_انت بتزعق ليه .

_بزعق ايه أنتِ منمتيش وقلبه وشك

وأنا مش عارف مالك هي طلبت معاكِ ولا ايه.

_ليه مجنونة ولا مجنونة أه قول كدة

أنت عايز تطلعني مجنونة مش بعيد تكون كلمت المستشفى كمان .

_لاحول ولا قوه الا بالله في ايه يا ماما مستشفى ايه بس اللي هكلمها .

_العباسية يا عنيا .

_عباسية لا أنتِ مجنونه بس مش لدرجة عباسبة يا قلبي .

_كلكم زي بعض أنا عارفة انك هتعمل زيه .

_وده مين ده أن شاء الله اللي هعمل زيه يا أخرت صبري.

_حسام .

_حسام مين يا بت وعمل ايه اللي أنا هعمله .

_مش عارف حسام مين الإنكار مش هيفيدك.

_ده كدة جنان رسمي .

_لا ما أنا مش هعمل زيها أنا كلمة ماما وبابا

وهبجوا يخدوني قبل ما تعمل زي ما عمل فيها.

_يا فتاح يا عليم هي مين وهو مين

وعمل ايه وليه كلمتي الحاج والحاجة .

_انت كمان مش عارف ولا بتقول كدة علشان تداري على عملتك .

_هي حصلت لعملتك ما تتكلمي بقي أنا بدأت أفقد أعصابي.

_ايه ده انت عايز ايه ابعد عني يالهوووي.. الحقوني.

_بس يابت الجيران يقولوا ايه .

_يقولوا انك عايز تخلص مني زي ما حسام حبيب

خلص من شرين .

_نعم بتقولي ايه أنتِ عاملة كل ده علشان حسام وشرين

أقول فيكِ ايه ده أنا متجوز مجنونة فعلا

انا هسيبلك البيت وأمشي ولما يجي الحاج والحاجة

ابقي احكيلهم وكلميني.. منه له .