قراءة قصيدة ( عليا بتميلي ) لعمرو محمد

وبحس لما عليا بتميلي
اني الوحيد ..
في الكون دا يستاهلك
وان انتي زيي يا بطه هتشيلي
لو وقت شده لقتني بنداهلك
صاحبي اللي لما بتوه يكون مرسى
لو تبتسملي حياتي تبقى حياه
مهما قست فعليا ما بتقسى
ودي ماده خام في عبادة المناجاه
عطر الصداقه ما بين ايديها يفوح
في الجدعنه ملكة مروءه وجود
روحها بتحضن ..
في الصراحه الروح
لا تعيش فتور ولا تستجيب لجمود
تشبه لطفله رقيقه بفيونكات
بيكون جوابها على الجراح بسمه
وقت اما تفرح نسخه م البدايات
اجمل كتييير من طلة النسمه
من شمس صافيه تشق عتمة ليل
من حلم وردي ف صفحة النسيان
من ذكريات عمر ف بدايته جميل
من قلب وقت الاشتياق بردان
انا شهريارك وانتي عام زادي
يا اللي انتي حاضره رغم أي غياب
يا كل شيء انا شايفه مش عادي
وردة غرام محبوسه جوه كتاب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قراءة قصيدة ( غدر الحبيب ) للشاعرة منى أحمد

يونيو 15, 2023

الاعلان عن تعاون مشترك بي جروب ( شخبطة تون بووك ) وموقع الخازندار

يونيو 15, 2023

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *